formacion icono emprego icono

autoemprego icono

empresas icono

 af banner 980x90px generico



Obradoiro "Creando unha web autoxestionable para a vosa cooperativa" nas aulas CeMIT de Pontevedra

Dende a Dirección Xeral de Traballo e Economía Social da Consellería de Traballo e Benestar seguimos apostando polo cooperativismo a través da Rede Eusumo. En consonancia, a Rede Eusumo aposta por mellorar a comunicación e visibilidade das cooperativas coa organización do obradoiro"Creando unha web autoxestionable para a vosa cooperativa".

A través deste obradoiro os participantes aprenderán a crear, deseñar e autoxestionar o seu propio Blog ou Website a través do manexo do software libre Wordpress. Entre os obxectivos que se perseguen con este taller destacan:

  • Mellorar a comunicación e visibilidade das cooperativas.
  • Ordenar a identidade gráfica da cooperativa.
  • Homoxeneidade na representación visual da cooperativa.
  • Actualizar a imaxe.
  • Crear ou mellorar o posicionamento da cooperativa.
  • Abrir novos canles de comunicación a través de internet.

Este Obradoiro, dirixido principalmente ás cooperativas, está estruturado en dúas sesións que se celebrarán os días 27 e 28 de xaneiro, na Deputación de Pontevedra, nas aulas CeMIT da Xunta de Galicia. Ambas sesións celebraranse en horario de tarde das 16:00 h. as 19:00 h., e serán impartidas de forma práctica e amena, xa que contarán cun ordenador propio para ir avanzando na creación do seu espazo dixital.

Para calquera cuestión, pode poñerse en contacto con nós no teléfono 981558008 ou no enderezo  Esta dirección electrónica esta protegida contra spam bots. Necesita activar JavaScript para visualizarla .

Para máis información, visite as web:

www.eusumo.coop

www.cooperativasdegalicia.com

 

Bases reguladoras para a concesión das bolsas de formación na Dirección Xeral de Comercio e se procede á súa convocatoria para o ano 2015 (código de procedemento IN225A)

Para acceder á información prema aquí.

 

Competencias clave para o ano 2015: Previsión de datas

A Resolución  da Dirección Xeral de Emprego e Formación pola que se convocan probas de avaliación en competencias clave para acceder aos certificados de profesionalidade de nivel 2 e 3 de cualificación, está previsto que teña o seguinte calendario:

Publicación da resolución  no Diario Oficial de Galicia (DOG) para o 16 de marzo.

O prazo para tramitar a solicitude  dende a publicación no DOG ata o 10 de abril .

O código do procedemento é o TR306A.

As probas para os dous niveis de cualificación para o sábado  23 de maio.

O lugar,  como nas últimas convocatorias,  podería ser na  Fundación Semana Verde en Silleda (Pontevedra).

En canto saia a Resolución publicada no Diario Oficial de Galicia, no apartado “Convocatoria de 2015” disporase  da documentación e instrucións oportunas.

Instituto Galego das Cualificacións         

Teléfonos: 981.546.840  981.541.562

 Mail:   Esta dirección electrónica esta protegida contra spam bots. Necesita activar JavaScript para visualizarla

compet clave 2015


 

Proceso de avaliación e acreditación das competencias profesionais

Dende o Servizo de Emprego e Desenvolvemento Local da Fundación Cultural da Estrada, o Orientador Laboral do Concello e a Asociación Enrólate informamos que está aberto o prazo para inscribirse no proceso de avaliación e acreditación das competencias profesionais. O prazo de solicitude remata o 6 de febreiro de 2015, polo que dende a Fundación vamos a dispoñer dunha aula con ordenadores os días martes 27 e xoves 29 de xaneiro, pola mañá de 9:00h a 14:00h e pola tarde de 16:30 a 20:00 h para que os interesados en matricularse na acreditación de competencias poidan facelo dende aqui. Deberán traer unha vida laboral e os contratos ou certificados de empresa que acrediten a experiencia laboral que posuen.

Os requisitos para poder facer a solicitude de avaliacion de competencias son os seguintes:

- Para as unidades de competencia de nivel I hai que ter 18 anos cumplidos e 2 anos de experiencia laboral cun mínimo de 1200 horas traballadas ou 200 horas de formación nos últimos 10 anos.

- Para as unidades de de competencia de nivel II ou III hai que ter 20 anos cumplidos e 3 anos de experiencia laboral cun minimo de 2000 horas traballadas ou 300 horas de formación nos últimos 10 anos.

As principais familias profesionais para as que se realiza esta convocatoria son:

  • Administración e xestión
  • Artes graficas
  • Agraria
  • Electricidade e electrónica
  • Edificación e obra civil
  • Fabricación mecánica
  • Hosteleria e turismo
  • imaxe persoal
  • Industrias alimentarias
  • Informática e comunicacións
  • Instalación e mantemento
  • Madeira , moble e cortiza.
  • Quimica
  • Sanidade
  • Servizos socioculturais e á comunidade
  • Transporte e mantemento de vehiculos

O obxecto da acreditación de competencias é recoñecer, avaliar e acreditar a competencia adquirida a través da experiencia laboral e outras aprendizaxes non formais.
A finalidade consiste en recoñecer e avaliar as competencias profesionais adquiridas polas persoas no desenvolvemento do seu traballo ou por outras vías non formais de formación, mediante procedementos que garantan a fiabilidade, a obxectividade e o rigor técnico da avaliación, así como acreditar as compentencias profesionais adquiridas polas persoas traballadoras e contribuír así á capitalización dos seus saberes e ao fomento da súa aprendizaxe ao longo da vida.
As unidades de competencia constitúen o referente que lles proporciona a identidade profesional ás persoas aspirantes, e fai posible a transformación dos datos procedentes da súa actividade profesional e das aprendizaxes non formais en evidencias de competencia válidas para a avaliación do seu desempeño activo.
A acreditación de unidades de competencia farase sobre as unidades de competencia dos títulos de formación profesional vixentes.

Deste xeito as persoas que teñen experiencia laboral ou formación non acreditada poden chegar a acadar dunha forma sinxela parte dun título de formación profesional que lle facilitará a inserción ou continuidade no mercado laboral.

Para máis información ou inscribirse para eses días poden chamar ao telefono 986570997 en horario de 8h a 15h ou mandar un mail a Esta dirección electrónica esta protegida contra spam bots. Necesita activar JavaScript para visualizarla .

 

 


Páx. 1 de 193